Curriculuma ikasle batek ikasten duen guztia da.
Honen barruan lau curriculum mota bereizten dira:
- Curriculum formala edo agerikoa: Gobernuak, ikastetxeak eta irakasleek sortzen duten dokumentua da non definituta geratzen den maila bakoitzerako zer-nolako eduki transmititu behar zaien umeei eskolan, edukiak, konpetentziak, helburuak, ebaluazio irizpideak etbar. Heziberri 2020 adibidez curriculum formal bat da.
- Curriculum ezkutua: Antolamenduaren arabera transmititzen diren baloreak, jakintzak, ideologia eta ezagutzak era inplizito batean nahigabe barneratzen direnak.
- Curriculum erreala: Ikasleak benetan ikasten duena (ezagutza), curriculum formaletik transmititzen den guztitik ikasleek benetan barneratzen dutena.
- Curriculum ausentea: Gure plankfikazioetan ez dagoena edo badagoena baina ez dena ematen, hau da, curriculumean zehaztutako eduki guztiak ez dira ematen. Curriculum mota hau hobeto ulertzeko klasean aipaturiko adibide bat aipatuko dizuet. Esaterako, 5. Mailan dagoen irakasleak matematiketan kurtso horretan zehar hainbat eduki azaldu behar ditu, besteak beste, zatiketan 3 zifrekin, buruketa konplexuak eta algebra. Baina irakasleak aukeratu du algebra ez emotea eta beste gaietan gehiago sakontzea. Beraz, algebra curriculum ausentea izango litzateke, curriculumean zehaztuta dagoelako baina ez da emango.
Curriculum mota hauek teknokratiko (curriculum formala) eta filosofikoetan (curriculum ezkutukoa) banandu ditzakegu.
No hay comentarios:
Publicar un comentario